Heart Touching Urdu Poetry : Dil Shiari In Urdu 2019 - Khanzada Tech


Heart Poetry : Dil Shiari In Urdu 2019

Dil Shairi Ke Is Intikhab Ko Parhte Hue Aap apne Dil Ki Halaton, Kafiyeton Aur Sooraton Se Guzren Ge Aur Heraan Hon Ge Ke Kis Terhan Kisi Dosray, Teesray Aadmi Ka Yeh Bayan Darasal Aap Ke apne Dil Ki Haalat Ka Bayan Hai. Is Bayan Mein Dil Ki Aarzoyeen Hain, Omngein Hain, Hauslay Hain, Dil Ki Gehraion Mein Jam Jany Wali Udasiyaan Hain, Mehromiyaan Hain, Dil Ki Tabah Haali Hai, Wasal Ki Aas Hai, Hijar Ka Dukh Hai .

Aj Apsy Mein Heartless Shairi In Urdu Share Krny Jarha hn.Umeed Hy Apko Pasand Ay Gi.



Abadi Bhi Dekhi Hai Veraney Bhi Dekhe Hain

Jo Ujre Aur Phir Nah Basey Dil Woh Nirali Bastii Hai


Aadmi Aadmi Se Milta Hai

Dil Magar Kam Kisi Se Milta Hai


Aaghaz Mohabbat Ka Injaam Bas Itna Hai

Jab Dil Mein Tamanna Thi Ab Dil Hi Tamanna Hai


Aaina Chore Ke Dekha Kiye Soorat Meri

Dil Muztir Ne Maray Un Ko Sanwarne Nah Diya


Aaj Taq Dil Ki Arzoo Hai Wohi

Phool Murjhaa Gaya Hai Khushbo Hai Wohi


Aap Doulat Ke Traazo Mein Dilon Ko Toolein

Hum Mohabbat Se Mohabbat Ka Sila Dete Hain


'' Aap Ki Yaad Aati Rahi Raat Bhar' '

Chandni Dil Dukhati Rahi Raat Bhar


Aap Pehlu Mein Jo Bathain To Sambhal Kar Bathain

Dil Betaab Ko Aadat Hai Machal Jaanay Ki


Arzoo Teri Barqarar Rahay

Dil Ka Kya Hai Raha Raha Nah Raha


Arzoo Wasal Ki Rakhti Hai Prishan Kya Kya

Kya Batau Ke Mere Dil Mein Hai Arman Kya Kya


Ab Dilon Mein Koi Gunjaish Nahi Millti Hayat

Bas Kitabon Mein Likha Harf Wafa Reh Jaye Ga


Abhi Raah Mein Kayi Mourr Hain Koi Aeye Ga Koi Jaye Ga

Tumhe Jis Ne Dil Se Bhula Diya Usay Bhoolnay Ki Dua Karo


Achi Soorat Nazar Atay Hi Machal Jata Hai

Kisi Aafat Mein Nah Daly Dil-e-Nashad Mujhe


Ada Se Dekh Lau Jata Rahay Gilah Dil Ka

Bas Ik Nigah Pay Thehra Hai Faisla Dil Ka


Ae Junoo Phir Maray Sir Par Wohi Shamat Aayi

Phir Phansa Zulfon Mein Dil Phir Wohi Aafat Aayi


Anhoni Kuch Zaroor Hui Dil Ke Sath Aaj

Nadaan Tha Magar Yeh Dana Kabhi Nah Tha


Aqal Kehti Hai Dobarah Aazmana Jahl Hai

Dil Yeh Kehta Hai Fraib Dost Khatay Jaiye


Aur Kya Dekhnay Ko Baqi Hai

Aap Se Dil Laga Ke Dekh Liya


Aur Zikar Kya Kijiy Apne Dil Ki Haalat Ka

Kuch Bigarti Rehti Hai Kuch Samnbhalti Rehti Hai


Bara Shore Suntay They Pehlu Mein Dil Ka

Jo Cheera To Ik Qatra Khoon Nah Nikla


Badalti Ja Rahi Hai Dil Ki Duniya

Naye Dastoor Hotay Ja Rahay Hain


Behtar To Hai Yahi Ke Nah Duniya Se Dil Lagey

Par Kya Karen Jo Kaam Nah Be Dil Lagi Chalay


Be Khudi Mein Le Liya Bosa Khata Kijiy Maaf

Yeh Dil Betaab Ki Saari Khata Thi Mein Nah Tha

Post a Comment

0 Comments